Նյու Դելիում մետրոյի կայարանի մոտ մեքենայի պայթյուն է տեղի ունեցել․ կա զոհեր և տուժածներ

Հնդկաստանի մայրաքաղաք Նյու Դելիում, մետրոյի «Կարմիր ամրոց» («Red Fort») կայարանի ելքի մոտ, պայթել է ավտոմեքենա։ Ինչպես հայտնում է ANI գործակալությունը, պայթյունը տեղի է ունեցել երեկոյան ժամերին, և դեպքի վայր են մեկնել արտակարգ ծառայությունների ուժերը։

Քաղաքի հրշեջ ծառայության ղեկավարի տեղակալ Ա.Կ. Մալիկը հայտնել է․ «Մենք ստացել ենք մեքենայի պայթյունի մասին հաղորդում մետրոյի կայարանի մոտ։ Տեղում աշխատել է յոթ հրշեջ խումբ, և ժամը 19։29-ին կրակը հաջողվել է մարել։ Նախնական տվյալներով՝ կան տուժածներ»։

Լոկ Նայակ հիվանդանոցի գլխավոր բժիշկ Ջայ Պրակաշ Նարայանը հաստատել է, որ 15 մարդ տեղափոխվել է հիվանդանոց, որոնցից ութը մահացել են, իսկ երեքը գտնվում են ծանր վիճակում։ Հնդկաստանի իրավապահ մարմինները չեն բացառում ահաբեկչության վարկածը, սակայն պաշտոնական պատճառը դեռ չի հայտարարվել։