Լեհական գաղտնի ծառայությունների ղեկավարները չեն ներկայացել երկրի նախագահի հետ ավանդական հանդիպմանը

Լեհաստանի նախագահ Կարոլ Նավրոցկին ներողություն է ակնկալում հետախուզական գործակալությունների ղեկավարներից, որոնք չեն մասնակցել իր հետ հանդիպմանը։ Նավրոցկին այս մասին հայտարարել է TV Republika-ին տված հարցազրույցում։

Սա ավանդական հանդիպում է բանակի, ռազմական հակահետախուզության և Ներքին անվտանգության գործակալության սպաների ամենամյա պաշտոնի բարձրացման արարողությունից առաջ։

«Ես սպասում եմ ներողության և հետախուզական գործակալությունների ղեկավարների ներկայությանը՝ պաշտոնի բարձրացման հարցը քննարկելու համար։ Սա 1989 թվականից ի վեր առաջին դեպքն է, երբ հետախուզական գործակալությունների ղեկավարները հրաժարվում են հանդիպել Լեհաստանի նախագահի հետ», - նշել է Նավրոցկին։