Չիլիի Հումբոլդտի պինգվինները կանգնած են անհետացման վտանգի առաջ

Չիլիի գիտնականները նախազգուշացրել են, որ Հումբոլդտի պինգվինների՝ աշխարհի ամենահազվագյուտ տեսակներից մեկի, թվաքանակը կարող է շարունակել նվազել։ Այս տեսակն ապրում է հիմնականում Չիլիի և Պերուի բարեխառն ափամերձ ժայռային տարածքներում։ Չիլիի ծովափնյա գոտին այժմ համարվում է պինգվինների համաշխարհային պոպուլյացիայի շուրջ 80 տոկոսի տունը։

Կոնսեպսիոնի համալսարանի հետազոտությունների համաձայն՝ Հումբոլդտի պինգվինների թիվը 1990-ականների վերջին գրանցված 45 հազարից նվազել է մինչև 20 հազարից էլ պակաս։ Չիլիի Շրջակա միջավայրի նախարարությունը վերջերս պաշտոնապես դասակարգել է տեսակն որպես «վտանգված»։ Գիտնականները նշում են, որ հիմնական սպառնալիքներն են՝ արդյունաբերական ձկնորսության մրցակցությունը, բնակավայրերի կորստը, աղտոտվածությունը, թռչն գրիպի տարածումը և կլիմայական փոփոխությունների հետևանքները, գրում է Reuters-ը։

Ծովաբանական փորձագետ Գիլյերմո Կուբիլյոսը նախազգուշացրել է, որ եթե այս սպառնալիքները շարունակվեն, «տեսակը վտանգվածից կդառնա կրիտիկապես վտանգված, իսկ այնտեղից՝ անհետացում մեկ քայլ է»։ Վետերինար Պաուլինա Արսեն հավելել է, որ անհրաժեշտ են խստացված օրենքներ կայուն ձկնորսության համար, քանի որ միայն վերադասակարգումը բավարար չէ՝ «մինչև չձեռնարկվեն իրական քայլեր, այս տեսակին փրկել հնարավոր չի լինի»։