Հայտնաբերվել է ծերության դեմ անսպասելի «դեղամիջոց»

Կոռնելի, Հարվարդի և Արիզոնայի համալսարանների գիտնականները ցույց են տվել, որ ամուր սոցիալական կապերը կարող են դանդաղեցնել կենսաբանական ծերացումը և նվազեցնել բորբոքումները: Ուսումնասիրությունը հրապարակվել է «Brain, Behavior, & Immunity - Health» (BB&IH) ամսագրում:

Ուսումնասիրությունը հիմնված է MIDUS (Միջին կյանքի տարիքը Միացյալ Նահանգներում) երկարաժամկետ նախագծի ավելի քան երկու հազար չափահաս մասնակիցների տվյալների վրա: Հեղինակները օգտագործել են «կուտակային սոցիալական առավելություն» (ԿՍԱ) կոչվող համակցված չափանիշ, որը ներառում է ընտանեկան ամուր կապեր, հուզական աջակցություն, կրոնական համայնքի ներգրավվածություն և ակտիվ սոցիալական փոխազդեցություն: