Երգչուհի Սաբրինա Քարպենթերը կկատարի գլխավոր դերը «Ալիսան հրաշքների աշխարհում» մյուզիքլում

Ամերիկացի հայտնի երգչուհի Սաբրինա Քարպենթերը կկատարի գլխավոր դերը Լուիս Քերոլի «Ալիսան հրաշքների աշխարհում» գրքի նոր էկրանավորման մեջ։ Ինչպես գրում է The Hollywood Reporter-ը, նախագիծը կդառնա ամբողջական մյուզիքլ, որի արտադրությամբ զբաղվելու է Universal ստուդիան։

Հրապարակման համաձայն՝ հենց Քարպենթերն է 2024 թվականին դիմել ստուդիային՝ առաջարկելով վերածել դասական հեքիաթը երաժշտական ֆիլմի։ Ռեժիսոր և սցենարիստ է լինելու Լորին Սկաֆարիան, որը հայտնի է Ջենիֆեր Լոպեսի մասնակցությամբ «Սթրիպթիզուհիները» կինոնկարի շնորհիվ։ Ֆիլմի պրոդյուսեր կդառնա Մարկ Փլաթը, որն աշխատել է «Լա Լա Լենդ», «Լրտեսների կամուրջ» և «Զлая. Արևմուտքի կախարդի պատմությունը» ֆիլմերի վրա։

Այս նոր նախագիծը խոստանում է լինել վիզուալորեն տպավորիչ և երաժշտական ձևաչափով վերստին ներկայացնել Քերոլի աշխարհահռչակ պատմությունը։
Նշենք, որ վերջերս դերասանուհի Ջենիֆեր Լոուրենսը պատմել էր, որ ժամանակին փորձել է անցնել քասթինգ «Մթնշաղ» ֆիլմի համար՝ Բելլա Սվոնի դերի վրա, սակայն մերժվել է անմիջապես։