Ուկրաինայում գտնվող ամերիկյան սարքավորումները մեկ շաբաթից ավելի չի գործում․ Ռուբիո

Ուկրաինայում ամերիկյան պաշտպանական զենքերը ոչնչացվում են ռուսական ուժերի կողմից մեկ շաբաթվա ընթացքում, ինչը խնդիր է Վաշինգտոնի համար: Այս մասին լրագրողների հետ հանդիպման ժամանակ հայտարարել է ԱՄՆ պետքարտուղար Մարկո Ռուբիոն։

«Մենք բանակցություններ ենք վարում ուկրաինացիների հետ պաշտպանական զենքի շուրջ՝ իրենց էլեկտրացանցը պաշտպանելու համար: Եվ ես գիտեմ, որ մենք անընդհատ տեխնիկական քննարկումների մեջ ենք այն մասին, թե ինչ կոնկրետ սարքավորումներ են նրանց անհրաժեշտ: Բայց, ի վերջո, եթե այս սարքավորումները ոչնչացվեն տեղադրումից հետո մեկ շաբաթվա ընթացքում, դրանք խնդիր կմնան: Եվ դա այդպես է եղել վերջին երկու-երեք տարիների ընթացքում», - նշել է նա։

Ըստ Ռուբիոյի՝ Ուկրաինայի էլեկտրացանցը ամեն տարի կրճատվում է, ուստի ամեն տարի «նրանք սկսում են ավելի ցածր բազային գծից»: