Starbucks-ի հազարավոր աշխատակիցներ պատրաստվում են գործադուլ անել ԱՄՆ-ի 65 խանութներում․ NBC

Starbucks-ի ավելի քան 1000 աշխատակիցներ պատրաստվում են գործադուլ անել Միացյալ Նահանգների 65 խանութներում՝ ի նշան արհմիության և ընկերության միջև աշխատանքային բանակցություններում առաջընթացի բացակայության դեմ բողոքի, նոյեմբերի 13-ին հաղորդել է NBC-ն։

Աշխատողները պահանջում են աշխատանքային պայմանների և անձնակազմի բարելավում հաստատություններում, որտեղ, նրանց խոսքով, երկար սպասումները սովորական երևույթ են սրճարանների հաճախորդների շրջանում: Նրանք նաև պահանջում են աշխատավարձի բարձրացում:

Գործադուլը նպատակ ունի խափանել Starbucks-ի «Կարմիր բաժակի օրը», որը սովորաբար տարվա ամենածանրաբեռնված օրերից մեկն է։ 2018 թվականից ի վեր հաճախորդները սեզոնային ըմպելիք գնելիս ստանում են բազմակի օգտագործման կարմիր բաժակ։