ԵՄ-ն միջոցներ կտրամադրի Ուկրաինային գազի մատակարարումն ապահովելու համար. Reuters

Առաջատար եվրոպական բանկերը և ուկրաինական «Նաֆտոգազ» ընկերությունը համաձայնության են եկել Ուկրաինային բնական գազի մատակարարումն ապահովելու համար հարյուր միլիոնավոր եվրո տրամադրելու վերաբերյալ: Այս մասին նոյեմբերի 13-ին հայտնել է «Reuters»-ը:

«ԵՄ վարկային կազմակերպությունը՝ Եվրոպական ներդրումային բանկը (ԵՆԲ), հայտարարության մեջ նշել է, որ ԵՄ դրամաշնորհը «Նաֆտոգազ»-ին կտրամադրի 127 միլիոն եվրո լրացուցիչ ֆինանսավորում՝ ի լրումն անցյալ ամիս հայտարարված 300 միլիարդ եվրոյի վարկի», - ասվում է հոդվածում։

Երկրի էներգետիկ ցանցի վնասման պատճառով գազի ներմուծումն աճել է։ Այս տարի Նորվեգիան հայտարարեց, որ կֆինանսավորի Ուկրաինայի բնական գազի գնումները։

Ավելի վաղ այդ օրը Politico-ն կանխատեսել էր, որ Ուկրաինան կբախվի հակամարտության սկսվելուց ի վեր ամենադժվար ձմռանը։ Երկրում իրավիճակը սրվել էր ֆինանսական ճգնաժամի, կոռուպցիոն սկանդալների և մարտադաշտում Ուկրաինայի զինված ուժերի (ԶՈՒՈւ) վատթարացող իրավիճակի պատճառով։ Հրատարակությունը նաև մատնանշել էր Ուկրաինայի էներգետիկ ոլորտում առկա լուրջ խնդիրները ։