ԱԶԲ–ն լրացուցիչ ֆինանսավորում կտա ՀՀ դպրոցների սեյսմակայնության ապահովման համար
Հայաստան
Ասիական զարգացման բանկը հայաստանյան դպրոցների սեյսմակայնության ապահովման համար լրացուցիչ ֆինանսավորում կտրամադրի ՀՀ կառավարությանը։ Համապատասխան որոշումն ընդունվեց գործադիր մարմնի այսօրվա նիստի ժամանակ։
«Վարկ թիվ 3284-ARM. Սեյսմիկ անվտանգության բարելավման ծրագիր արդյունքների վրա հիմնված փոխատվություն վարկային համաձայնագիրը» Հայաստանի Հանրապետության և Ասիական զարգացման բանկի միջև ստորագրվել է 2015 թ. հոկտեմբերի 19–ին: Ծրագիրը սկսվել է 2016 թ., իսկ ավարտը նախատեսված է մինչև 2027թ. սեպտեմբերի 30-ը: Լրացուցիչ ֆինանսավորման վարկային համաձայնագիրը Հայաստանի և Ասիական զարգացման բանկի միջև ստորագրվել է 2023 թ. նոյեմբերի 27–ին։
Ծրագրի ընդհանուր բյուջեն կազմում է 107 մլն դոլար, որից բանկի վարկային միջոցները կազմում են 88.5 մլն դոլար, իսկ պետական համաֆինանսավորումը՝ 18.5 մլն դոլար:
«Ծրագրի հիմնական և առանցքային ցուցանիշն է առնվազն 46 դպրոցների կառուցումը կամ ամրացումը և շուրջ 20000 աշակերտի անվտանգ կրթական պայմանների ապահովումը: Ընդգրկված բոլոր դպրոցները պետք է անցնեն միջազգային փորձաքննություն և ստանան վկայական 9 բալ երկրաշարժի դիմացկունության վերաբերյալ»,– ասված է որոշման հիմնավորման մեջ։
Ծրագրի շրջանակում մինչ այժմ ավարտվել են 23 դպրոցների կառուցման աշխատանքները, ընթանում են 23 դպրոցների շինարարական աշխատանքներ։ Մինչ այժմ շահագործման հանձնած դպրոցներում անվտանգ կրթական պայմաններ են ստեղծվել շուրջ 15 000 աշակերտի համար։
ՈՒՂԻՂ ԵԹԵՐ
Ամենադիտված 
Պարզվել է Աջափնյակում զինված միջադեպի հետևանքով մահացածի և 7 վիրավորների ինքնությունը 
