Լեդի Գագան բացահայտեց 2017 թվականի ծանր հիվանդությունը

Ամերիկացի երգչուհի և դերասանուհի Լեդի Գագան (աստեղծական անունը՝ Ստեֆանի Ջոան Անդժելինա Ջերմանոտտա) պատմել է 2017 թվականին իրեն պատուհասած ծանր հիվանդության մասին՝ Rolling Stone-ին տված հարցազրույցում։ Գագայի խոսքով, «Աստղ ծնվեց» ֆիլմի վրա աշխատանքը նրան հասցրեց «հոգեկան վայրէջքի», և այդ ժամանակ նա ստիպված էր ընդունել տրամադրությունը կայունացնող դեղորայք։ «Ես նկարահանվում էի «Աստղ ծնվեց» ֆիլմում լիթիումի ներքո», — անկեղծացել է նա։

Երգչուհին նշել է, որ ստիպված է եղել հոգեբուժական օգնություն ստանալ հիվանդանոցում։ «Այդ ժամանակ իսկապես սարսափելի էր. Կային պահեր, երբ մտածում էի, որ երբեք չեմ ապաքինվի: Բախտավոր եմ, որ ողջ մնացի», — ընդգծել է նա։ Գագան նաև նշել է, որ միայն 2019 թվականի Օսկարի մրցանակաբաշխության ժամանակ է զգացել իր առողջության բարելավում։

Ավելի վաղ Լեդի Գագան սահմանել է նոր ռեկորդ՝ Մադոննային անցնելով. նրա բրազիլական համերգը, որին ներկա է գտնվել 2,5 միլիոն մարդ, գրանցվել է Գինեսի ռեկորդների գրքում որպես ամենաշատ մասնակցություն ունեցող ելույթ։