Հարավային Կորեան 150 միլիարդ դոլար կներդնի ԱՄՆ նավաշինության մեջ

Սպիտակ տան կայքէջի համաձայն՝ Հարավային Կորեան Վաշինգտոնի հետ առևտրային համաձայնագրի շրջանակներում ԱՄՆ նավաշինության ոլորտում կներդնի 150 միլիարդ դոլար։

«Այս համաձայնագիրը ներառում է ԱՄՆ-ի կողմից հաստատված կորեական ներդրումներ նավաշինության ոլորտում՝ 150 միլիարդ դոլարի չափով», - նշվում է հրապարակման մեջ։

Բացի այդ, ողջունվել են երկու կողմերի շահերն ու ազգային անվտանգությունը առաջ մղելու համար տարբեր ոլորտներում ներդրումները, այդ թվում՝ էներգետիկայի, կիսահաղորդիչների, դեղագործության, հանքանյութերի, արհեստական ​​բանականության և քվանտային հաշվարկների ոլորտում։