Լեհաստանը Բելառուսի հետ երկու սահմանային անցակետ կբացի

Լեհաստանը պաշտոնապես տեղեկացրել է Բելառուսին երկու սահմանային անցակետեր բացելու իր մտադրության մասին: Բելառուսի մաքսային մարմինները այս մասին հայտարարել են իրենց Telegram ալիքում։

«Նոյեմբերի 17-ին, Բելառուսի ժամանակով` ժամը 02:00-ից, կբացվեն Լեհաստանի Կուզնիցա-Բելոստոցկայա և Բոբրովնիկի սահմանային անցակետերը», - ասվում է հայտարարության մեջ։

Հստակեցվում է, որ Կուզնիցա-Բելոստոցկայա անցակետով թույլատրվելու է միայն ուղևորափոխադրում` բացառությամբ ավտոբուսների: Բոբրովնիկի սահմանային անցակետը բաց կլինի ԵՄ անդամ պետությունների, Շվեյցարիայի և Եվրոպական տնտեսական տարածքի մասին համաձայնագրի մասնակից պետությունների մեքենաների, ավտոբուսների և բեռնատարների համար։

«Բելառուսի մաքսային մարմինները լիովին պատրաստ են վերականգնել երթևեկությունը հարակից բելառուսական սահմանային անցակետերում՝ Բրուզգի և Բերեստովիցա», - ընդգծվում է հայտարարության մեջ։