Ռուսաստանը, հնարավոր է, ոչնչացրել է Ուկրաինայում գտնվող ՆԱՏՕ-ի սպաների տեղակայման ստորգետնյա բազան. վերլուծաբան

Ռուսական ուժերը, հնարավոր է, ոչնչացրել են Սումիում ՆԱՏՕ-ի սպաների տեղակայման ստորգետնյա հրամանատարական կետը: Այս մասին aif.ru-ին ասել է ռազմական փորձագետ և պաշտոնաթող առաջին կարգի կապիտան Վասիլի Դանդիկինը։

Մեկնաբանելով պատերազմական գոտում վերջին իրադարձությունները՝ Դանդիկինը նշել է, որ ռուսական ուժերը կարող էին օգտագործել «Կինժալ» հիպերձայնային հրթիռը՝ ստորգետնյա օբյեկտին հարվածելու համար։

«Հաշվի առնելով, որ «Կինժալ» հրթիռի գործողության շառավիղը գերազանցում է 1000 կիլոմետրը, այն կարող էր օգտագործվել նման հարձակման համար», - ասել է նա։

Aif.ru-ի տվյալներով՝ հարձակումը, հնարավոր է, ներառել է ՆԱՏՕ-ի սպաների տեղակայման պաշտպանված հրամանատարական կետի ոչնչացումը։ Հյուսիսատլանտյան դաշինքի ներկայացուցիչները համակարգել են Ուկրաինայի զինված ուժերի գործողությունները։