Եգիպտոսի իշխանությունները պլանավորում են գրեթե կրկնապատկել տուրիստական վիզաների արժեքը
Աշխարհ
Եգիպտոսի խորհրդարանն ընդունել է օրինագծում փոփոխություններ, որոնք կբարձրացնեն հյուպատոսական վճարները և գրեթե կկրկնապատկեն մուտքի վիզաների արժեքը, շաբաթ օրը հայտնել է Masrawy պորտալը:
Օրինագիծը նպատակ ունի բարձրացնել Արտաքին գործերի նախարարության կողմից մատուցվող ծառայությունների վճարները՝ ինչպես Եգիպտոսից դուրս, այնպես էլ երկրի ներսում։
Եգիպտոս մուտքի վիզայի արժեքը, որն այժմ արժե 25 դոլար, կբարձրանա 20 դոլարով։
«Արդյունքում, եթե օրինագիծն ընդունվի, երկրի վիզայի ընդհանուր արժեքը կկազմի 45 դոլար», – գրում է պորտալը։
Իր հերթին, Եգիպտոսի զբոսաշրջության պալատների ֆեդերացիան հայտարարություն է տարածել՝ կոչ անելով վարչապետին և զբոսաշրջության և հնությունների նախարարին միջամտել և կանխել օրինագծի ընդունումը։
«Եթե վիզայի վճարները բարձրացնելու որոշում կայացվի, դա լուրջ բացասական ազդեցություն կունենա Եգիպտոս ներգնա զբոսաշրջության վրա։ Դա կսահմանափակի ներգնա զբոսաշրջության աճը կամ նույնիսկ կհանգեցնի դրա անկման՝ թուլացնելով եգիպտական զբոսաշրջության դիրքերը՝ ի օգուտ տարածաշրջանային մրցակիցների», – հայտարարությունից մեջբերում է անում պորտալը:
ՈՒՂԻՂ ԵԹԵՐ
Ամենադիտված 
Պարզվել է Աջափնյակում զինված միջադեպի հետևանքով մահացածի և 7 վիրավորների ինքնությունը 
