ԵՄ-ում ֆոն դեր Լեյենի նկատմամբ դժգոհությունը մեծանում է

Եվրոպական հանձնաժողովի (ԵՀ) նախագահ Ուրսուլա ֆոն դեր Լեյենի ղեկավարման ոճը դժգոհություն է առաջացնում Եվրոպական Միության (ԵՄ) ներսում, հաղորդում է Politico-ն։

Դեկտեմբերին ֆոն դեր Լեյենի՝ որպես Եվրահանձնաժողովի նախագահի երկրորդ ժամկետի մեկնարկից ի վեր, նրա գործունեությունը գնալով ավելի ու ավելի է քննադատվում՝ թափանցիկության բացակայության և շփոթեցնող, հակասական կամ մոլորեցնող տեղեկատվություն տրամադրելու համար, ըստ հրատարակության կողմից հարցազրույց տված մի շարք եվրոպացի պաշտոնյաների և լրագրողների։

«Քննադատությունը արտացոլում է ֆոն դեր Լեյենի դաշնակիցների և հակառակորդների կողմից բարձրացված ավելի լայն մտահոգությունները նրա կենտրոնացված ղեկավարման ոճի վերաբերյալ, որը, նրանց խոսքով, նվազեցնում է Եվրահանձնաժողովի թափանցիկությունը», - նշվում է հրատարակության մեջ։