ԱՄՆ-ում կառավարության գործունեության դադարեցման պատճառով սպասվում են զանգվածային կրճատումներ

Թրամփի վարչակազմն արդեն պատրաստել է այն նախարարությունների ցանկը, որտեղ կառավարության գործունեության դադարեցման պատճառով սպասվում են զանգվածային կրճատումներ։ Ցանկը շուտով կհրապարակվի, հաղորդում է CNN-ը ՝ հղում անելով Սպիտակ տան աղբյուրներին։

Առաջիկա դաշնային աշխատակիցների կրճատումների մասին պետք է հայտարարվի արդեն ուրբաթ օրը։ Եթե դրանք տեղի չունենան շաբաթվա վերջին աշխատանքային օրը, ապա պաշտոնյաների խոսքով՝ հայտարարությունը կարվի շաբաթ կամ կիրակի օրը։

Սպիտակ տունը դեռևս պարզաբանում է առաջիկա կրճատումների որոշ մանրամասներ, սակայն ցուցակը հիմնականում կազմվել է Կառավարման և բյուջեի գրասենյակի կողմից՝ թիրախային գործակալությունների հետ համակարգված։ Քիչ առաջ ԱՄՆ առաջնորդը հայտարարել էր, որ նրանք պետք է որոշեն, թե «բազմաթիվ դեմոկրատական ​​գործակալություններից որո՞նք» են նախատեսում կրճատել, ինչպես նաև՝ կրճատումները ժամանակավոր կլինեն, թե՞ մշտական։