Մակրոնը նշել Է Ուկրաինայում հակամարտության ավարտի ցանկալի ժամկետը

Ֆրանսիայի նախագահ Էմանուել Մակրոնը հայտարարել է, որ հույս ունի, որ Ուկրաինայում հակամարտությունը կավարտվի մինչև 2027 թվականը: Նրա խոսքը մեջբերում է Reuters գործակալությունը։

«Հուսով եմ, որ խաղաղությունը կհասնի մինչև 2027 թվականը։ Իմ կարծիքով, վերջին ամիսներին մի շարք ճակատագրական որոշումներ են ընդունվել, որոնք շատ բան են փոխել Ռուսաստանի վրա ճնշումների հարցում», - նշել է Ֆրանսիայի ղեկավարը։

Մակրոնն ընդգծել է, որ նման որոշումներից մեկը ռուսական նավթարդյունահանող ընկերությունների նկատմամբ ԱՄՆ-ի նոր պատժամիջոցներն են: Նրա խոսքով՝ յուրաքանչյուր նման միջոցառում, ինչպես նաև Կիևի աջակցության ուժեղացումը, մոտեցնում է Ուկրաինայում կայուն խաղաղության առաջխաղացումը։