Emirates-ի բոլոր ուղեւորները թռիչքի ժամանակ կկարողանան օգտվել Starlink ինտերնետից

Emirates Airlines ավիաընկերությունը հայտարարել է իր գրեթե ամբողջ նավատորմը երկու տարվա ընթացքում անվճար Starlink ինտերնետով հագեցնելու ծրագրերի մասին: Ըստ ավիաընկերության կայքի՝ կապը հասանելի կլինի 232 Boeing 777 և Airbus A380 ինքնաթիռներում:

Առաջին Boeing 777-ը արդեն հագեցած է նոր սերնդի արբանյակային կապի համակարգերով. այն ներկայացվել է Դուբայի ավիաշոուում: Airbus A380-ի վրա սարքավորումների տեղադրումը կսկսվի 2026 թվականի փետրվարին: Ընկերությունը նախատեսում է ամսական արդիականացնել մոտ 14 ինքնաթիռ:

Անվճար ինտերնետ հասանելիություն կլինի բոլոր դասերի ուղևորների համար։ Ուղևորները կկարողանան միանալ ինչպես ինտեգրված ինքնաթիռի համակարգերի, այնպես էլ անձնական սարքերի միջոցով։ Տեսազանգերի, տեսանյութերի հոսքային հեռարձակման, մեծ ֆայլերի ներբեռնման և առցանց գնումների աջակցությունը պետք է ապահովի ավելի հարմարավետ աշխատանքային և զվարճանքի փորձ թռիչքի ընթացքում։