Թրամփը հայտարարել է, որ Վենեսուելան ցանկանում է բանակցել ԱՄՆ-ի հետ

ԱՄՆ նախագահ Դոնալդ Թրամփը հայտարարել է, որ Վենեսուելայի ղեկավարությունը ցանկանում է բանակցություններ սկսել Վաշինգտոնի հետ, և ինքը բաց է այդ գաղափարի համար։ Նա այս հայտարարությունն արել է երեքշաբթի օրը՝ Սպիտակ տանը Սաուդյան Արաբիայի թագաժառանգ Մուհամմեդ բին Սալման ալ Սաուդի հետ բանակցությունների սկզբում լրագրողների հարցերին պատասխանելիս։

«Ես բաց եմ բանակցությունների համար։ Ես խոսում եմ բոլորի հետ։ Վենեսուելայի առաջնորդը ուզում է բանակցություններ վարել», - ասել է Թրամփը։