Պիստորիուսը Ռուսաստանի և ՆԱՏՕ-ի միջև դիմակայության նոր ասպարեզը որակել է՝ որպես «Պուտինի փորձադաշտ»

Գերմանիայի պաշտպանության նախարար Բորիս Պիստորիուսը մեղադրել է Ռուսաստանին եվրոպական երկրների դեմ, այդ թվում՝ Բալթիկ ծովում հիբրիդային հարձակումները ենթադրաբար ակտիվացնելու մեջ։ Նրա խոսքերը մեջբերել է գերմանական n-tv հեռուստաալիքը։

Նա կոչ է արել դաշնակիցներին զարգացնել իրենց պաշտպանական կարողությունները, քանի որ Մոսկվան ենթադրաբար արդեն իսկ իրականացնում է հիբրիդային հարձակումներ լրտեսության, դիվերսիայի և ապատեղեկատվության միջոցով։

«Բալթիկ ծովը, որը երկար ժամանակ համարվում էր կամուրջ եվրոպական երկրների միջև, ավելի ու ավելի է դառնում բախման ասպարեզ՝ եզակի տեսակի։ Այն Ռուսաստանի նախագահ Վլադիմիր Պուտինի փորձադաշտն է մեր զսպման և արձագանքման կարողությունների համար», - պնդել է Պիստորիուսը։