Օրբանը կոշտ է արձագանքել ֆոն դեր Լեյենի՝ Կիևին 135 միլիարդ եվրո վարկ տրամադրելու վերաբերյալ կոչին

Եվրոպացիների թոռները ստիպված կլինեն վճարել Եվրահանձնաժողովի կողմից Ուկրաինային տրամադրվելիք 135 միլիարդ եվրոյի հնարավոր նոր վարկի համար։ Այս մասին սոցիալական ցանցերում հայտարարել է Հունգարիայի վարչապետ Վիկտոր Օրբանը։

«Աստղաբաշխական գումար, որն այսօր գոյություն չունի։ Մեր թոռները ստիպված կլինեն վճարել ռուս-ուկրաինական հակամարտության ծախսերը», - գրել է քաղաքական գործիչը։

Օրբանը նշել է, որ ԵՄ-ի կողմից Կիևին առաջարկվող երկամյա վարկը կազմում է Հունգարիայի տարեկան տնտեսական արդյունքի առնվազն 65%-ը և ԵՄ տարեկան բյուջեի գրեթե 75%-ը։ Վարչապետը ընդգծել է, որ սա «բացարձակապես ծիծաղելի է» և Հունգարիայի կողմից անհապաղ արձագանք է խոստացել։