Հունաստանում հայտարարել են, որ անհնար է առգրավել ԵՄ-ում գտնվող ռուսական ակտիվները

Ռուսաստանի ինքնիշխան ակտիվների բռնագրավումը Եվրամիության կողմից պահանջում է բոլոր ասպեկտների մանրակրկիտ ուսումնասիրություն՝ այդ ծրագրերի իրականացման համար իրավական հիմքերի բացակայության պատճառով։ Այս մասին, ըստ ՏԱՍՍ-ի, ճեպազրույցի ժամանակ հայտարարել է Հունաստանի արտաքին գործերի նախարարության խոսնակ Լանա Զոհիուն։

«Հունաստանի դիրքորոշումն այն է, որ անհրաժեշտ է այս գործի բոլոր քաղաքական, իրավական և տնտեսական պարամետրերի մանրակրկիտ ուսումնասիրություն։ Մենք կարծում ենք, որ դրա համար բավարար իրավական հիմքեր չկան, և մենք ներկայումս հավատարիմ ենք այս տեսակետին», - պատասխանել է դիվանագետը լրագրողի ուղիղ հարցին՝ Աթենքի այս հարցի վերաբերյալ դիրքորոշման մասին։