Ռուսաստանը ցանկանում է ապրել խաղաղության մեջ՝ բարոյական սկզբունքներով․ Զախարովա

Ռուսաստանը ցանկանում է ապրել հավասար աշխարհում՝ բարոյական սկզբունքներով և բոլորի համար հավասար հնարավորություններով։ Այս մասին հայտարարել է Ռուսաստանի արտաքին գործերի նախարարության խոսնակ Մարիա Զախարովան ՏԱՍՍ-ի կողմից կազմակերպված միջազգային Ազգային միասնության ակումբի մեդիա ֆորումին տված հարցազրույցում։

«Մենք ուզում ենք ապրել խաղաղության մեջ, և մենք առաջարկում ենք հաղորդակցության մի ձևաչափ, որն այժմ զարգանում է և՛ ՇՀԿ-ի, և՛ ԲՐԻԿՍ-ի շրջանակներում, որտեղ երկրներն ունեն հավասար իրավունքներ, իսկապես հավասար իրավունքներ, ոչ միայն օրենքի առջև, այլև բարոյականության, էթիկայի հարցերում, մշակութային, ավանդական իմաստով նրանք ունեն հավասար հնարավորություններ», - ասել է նա։

«Մենք առաջարկում ենք հավասարություն, մենք առաջարկում ենք հնարավորությունների աշխարհ, երկխոսություն, մենք առաջարկում ենք միջազգային իրավունքի պահպանում, մենք առաջարկում ենք բազմակարծիք մոտեցում», - ընդգծել է Ռուսաստանի դիվանագիտական ​​ներկայացուցիչը։