Նարեկ Մկրտչյանն ու Սան Ֆրանցիսկոյի քաղաքապետը քննարկել են բիզնես համայնքների կապերի ընդլայնումը
Արտաքին Քաղաքական
Նոյեմբերի 19-ին ԱՄՆ-ում ՀՀ դեսպան Նարեկ Մկրտչյանը Սան Ֆրանցիսկոյում հանդիպել է քաղաքապետ Դանիել Լուրիի հետ։ Այս մասին հայտնել է դեսպանությունը:
Հանդիպման ընթացքում կողմերը քննարկել են Հայաստանի և Սան Ֆրանցիսկոյի միջև համագործակցության խորացման հնարավորությունները՝ անդրադառնալով մասնավորապես տնտեսական և բարձր տեխնոլոգիական ոլորտներին։
Դեսպանը քաղաքապետին առաջարկել է դիտարկել Երևան-Սան Ֆրանցիսկո քույր քաղաքներ նախաձեռնության հնարավորությունը, ինչպես նաև «Թումո» կենտրոնի բացման գաղափարը Սան Ֆրանցիսկոյում՝ որպես հեռանկարային կրթական նախաձեռնություն։
Քննարկվել են նաև համագործակցության ձևաչափերը Սան Ֆրանցիսկոյի Գործարար խորհրդի հետ, ներառյալ հայկական և տեղական բիզնես համայնքների կապերի ընդլայնումը։
Հանդիպմանը մասնակցել են նաև NVIDIA-ի փոխնախագահ Ռեվ Լիբարիդյանը, Firebird AI ընկերության համահիմնադիր Ռազմիկ Հովակիմյանը, ինչպես նաև Լոս Անջելեսում ՀՀ գլխավոր հյուպատոս Կարեն Իսրայելյանը։
ՈՒՂԻՂ ԵԹԵՐ
Ամենադիտված 
Ես տրամադրված եմ լքել ԱՄՆ–ն, Հայաստանը մեր ձեռքից գնում է․ Վարդան Ղուկասյան
