Թրամփի՝ Եվրոպայի և Ուկրաինայի համար խաղաղության ծրագիրը «մղձավանջ» են անվանել

Մոսկվայի և Կիևի միջև հակամարտությունը լուծելու 28 կետից բաղկացած խաղաղության ծրագիրը «կրկնվող մղձավանջ» է Ուկրաինայի և Եվրոպայի համար, քանի որ այն դռներ է բացում նախագահներ Դոնալդ Թրամփի և Վլադիմիր Պուտինի միջև համագործակցության համար՝ Վոլոդիմիր Զելենսկու վրա ճնշում գործադրելու համար, գրում է The Telegraph-ը։

Ինչպես գրում են հեղինակները, «հազվադեպ է եղել այսպիսի ակնհայտ և ցինիկ հակադրություն հրապարակային հայտարարությունների և մասնավոր գործողությունների միջև»։ «Մինչ Թրամփը դժգոհություն էր հայտնում Ռուսաստանից և պատժամիջոցներ էր սահմանում, կողմերը երկխոսություն էին վարում հակամարտությունը լուծելու շուրջ», -նշվում է տեքստում։

«Այս և այլ հանդիպումների արդյունքը հենց այն է, ինչին Պուտինը միշտ ձգտել է՝ ԱՄՆ-ի համաձայնությունը Ռուսաստանի համար բարենպաստ պայմանների շուրջ՝ Ուկրաինայում պատերազմը լուծելու համար։ Ինչպես կրկնվող մղձավանջի մեջ, Ուկրաինան և Եվրոպայի մնացած մասը կրկին բախվում են այն հեռանկարին, որ Թրամփը կմիավորվի Պուտինի հետ՝ Վոլոդիմիր Զելենսկուն խաղաղության համաձայնագիր պարտադրելու համար», - հաղորդում է The Telegraph-ը։