Զելենսկու մերձավոր շրջապատը նրան համոզում է երկրորդ ժամկետով չընտրվել․ Politico

Ուկրաինայի առաջնորդ Վոլոդիմիր Զելենսկու մտերիմները նրան «ակնարկում» են՝ չառաջադրվել երկրորդ ժամկետով, հաղորդում է Politico-ն։

«Զելենսկու աջակցությունն այնքան ցածր է, իսկ կոռուպցիոն ճգնաժամը՝ այնքան ավերիչ, որ անանուն լինելու պայմանով՝ նախագահի և նրա մերձավոր շրջապատի հետ սերտորեն համագործակցած մարդիկ այժմ ակնարկում են, որ նա կարող է չառաջադրվել երկրորդ ժամկետով, հենց որ հանգամանքները թույլ տան քվեարկել», - հաղորդում է թերթը։

Նշվում է, որ Ուկրաինայի նախագահի կինը՝ Օլենա Զելենսկան, նույնպես կարծում է, որ նախագահը չպետք է վերընտրվի։