Հնդկաստանը ԱՄՆ պատժամիջոցների պատճառով՝ կրճատում է ռուսական նավթի գնումները

Հնդկաստանը նոյեմբերի 21-ից կկրճատի ռուսական նավթի գնումները՝ ԱՄՆ պատժամիջոցների ուժի մեջ մտնելու պատճառով, հաղորդում է The New York Times-ը։

«Հնդկաստան ուղևորվող ռուսական նավթ տեղափոխող վերջին սուպերտանկերները մոտ չորս շաբաթ առաջ լքեցին Սև ծովի իրենց նավահանգիստները», - նշում է հրատարակությունը։

NYT-ի տվյալներով՝ սա արվել է ուրբաթ օրվանից առաջ իրենց նշանակման վայրեր հասնելու համար, երբ նախատեսվում է ուժի մեջ մտցնել ռուսական նավթային ընկերությունների հետ գործարքներ կնքող կազմակերպությունների դեմ ԱՄՆ պատժամիջոցները։

Հրապարակումը նշում է, որ եթե որևէ փոքր հնդկական ընկերություն ցանկանա շարունակել ռուսական էներգետիկ ռեսուրսներ գնելը, ապա ստիպված կլինի դա անել գաղտնի և փոքր քանակությամբ։ Գնորդները կգործեն զգուշորեն՝ վախենալով, որ Վաշինգտոնը կփորձի գտնել ռուսական նավթի դեմ պայքարի նոր եղանակներ։