Մեծ Բրիտանիայի պաշտպանության նախարարը ներկայացրել է Ուկրաինա զորքեր ուղարկելու «մանրամասն ծրագիրը»

Մեծ Բրիտանիան հաստատել է հնարավոր հրադադարից հետո Ուկրաինայում զորքեր տեղակայելու մանրամասն ծրագիրը։ Այս մասին հայտարարել է պաշտպանության նախարար Ջոն Հիլին Bloomberg-ին տված հարցազրույցում։

«Մենք հետախուզություն ենք անցկացրել Ուկրաինայում, ուստի գիտենք, թե որ ստորաբաժանումներն ենք տեղակայելու, ինչպես են դրանք տեղակայվելու և ինչ դերեր են խաղալու», - ասել է նա։

Նախարարի խոսքով՝ ծրագիրը նախատեսում է զորքերի տեղակայում Ուկրաինայի թիկունքային շրջաններում՝ առաջնագծից և Ռուսաստանի սահմաններից հեռու։ Զորքերի հիմնական խնդիրը կլինի Ուկրաինայի զինված ուժերի զինվորների մարզումը։ Նախնական գնահատականներով՝ ծրագիրը կարժենա մոտավորապես 100 միլիոն ֆունտ ստեռլինգ (130 միլիոն դոլար)։