ԱՄՆ-ի և ԵՄ-ի պատվիրակությունների հանդիպումը Կիևում տեղի է ունեցել «սրտխառնոց առաջացնող» մթնոլորտում. FT

ԱՄՆ պատվիրակությունը Կիևում հանդիպում է ունեցել եվրոպացի ներկայացուցիչների հետ, որը, ըստ Financial Times-ի, տեղի է ունեցել չափազանց տհաճ և լարված մթնոլորտում։

Եվրոպացի բարձրաստիճան պաշտոնյան հրատարակությանը հայտնել է, որ քննարկման տոնը որակվել է` որպես «սարսափելի»։

Բանակցությունները տեղի են ունեցել նոյեմբերի 21-ին` Ուկրաինայում ԱՄՆ գործերի ժամանակավոր հավատարմատար Ջուլի Դևիսի նստավայրում։ Ըստ FT-ի, ԱՄՆ բանակի նախարար Դանիել Դրիսկոլը եվրոպացի դեսպաններին և այլ արևմտյան ներկայացուցիչներին ասել է, որ ակնկալում է խաղաղ կարգավորում և հավատում է, որ այդ պահը հասունացել է։ Նա նաև զգուշացրել է, որ Միացյալ Նահանգները ճկուն չի լինի հիմնական հարցերում և պատրաստ չէ քննարկել իր խաղաղության ծրագրի մանրամասները։

Հրապարակման աղբյուրը մեջբերել է նախարարի խոսքերը, որ իր գնահատմամբ՝ Ուկրաինան «շատ վատ վիճակում է»։ Ամերիկյան կողմը նաև հստակեցրել է, որ Կիևին ներկայումս առաջարկվող համաձայնագիրը լավագույն հնարավոր արդյունքն է ներկայիս պայմաններում։