Ալժիրում գրոհայինները ականապատել են օտարերկրյա առևանգված գերիներին
Մերձավոր Արևելք
Ինչպես տեղեկացնում է Associted Press-ը, Ալժիրի իշխանությունները մտադիր չեն բանակցություններ վարել նախօրեին 41 հոգու պատանդ վերցրած գրոհայինների հետ: Կառավարությունը մտադիր չէ նաև բավարարել նրանց ներկայացրած պահանջները:
Ալժիրի ՆԳ նախարարի խոսքերով՝ ոստիկանությունը տեղեկություններ ունի, որ գրոհայինները, ովքեր հունվարի 16-ին հարձակվել են Ալժիրի հարավում գտնվող գազի հանքավայրի վրա, չէին ժամանել ո՛չ Մալիից, ո՛չ էլ Լիբիայից կամ հարևան այլ երկրից:
Գրոհայիններն իրենց գերիներին ականապատել են՝ ստիպելով հագնել «շահիդի գոտի»:
Գրոհայինները բարձրաձայնել են իրենց պահանջների մասին. նրանք ցանկանում են, որպեսզի Ալժիրը հրաժարվի իր օդային տարածքները տրամադրել Ֆրանսիային՝ Մալիիի ուղղությամբ թռիչքներ իրականացնելու համար: Գրոհայինները պահանջում են նաև բանտերից ազատ արձակել շուրջ 100 ալժիրցի մուսուլման ծայրահեղականների: Այս ամենից զատ՝ նրանք պահանջում են ապահովել պատադների հետ միասին իրենց անվտանգ հեռանալը երկրից:
Ընդհանուր առմամբ, գերի է վերցվել 41 օտարերկրացի, որոնց թվում՝ ամերիկացիներ, նորվեգացիներ, բրիտանացիներ, ֆրանսիացիներ, ճապոնացիներ, իռլանդացիներ: Նրանք բոլորը British Petroleum ընկերության աշխատակիցներ են:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
