Եգիպտոսում ողջ ընտանիքն ազատազրկվել է քրիստոնեություն ընդունելու պատճառով

Եգիպտոսում Նադիա Մոհամեդ Ալին և նրա յոթ երեխաները քրիստոնեություն ընդունելու պատճառով դատապարտվել են 15 տարվա ազատազրկման: Այս մասին նշում է Sky news լրատվական գործակալությունը:

Նադիան ծնվել էր քրիստոնյա, սակայն իսլամ էր ընդունել ամուսնանալիս՝ 23 տարի առաջ, քանի որ ամուսինը եղել է վահաբի: Այնուհետև ամուսինը մահացել է և Նադիան իր ընտանիքով որոշել է հավատափոխվ լինել: 2004 թվականին հավատափոխվելով՝ նրանք փորձել էին ստանալ ID քարտեր, որոնցում նշված կլինեին իրենց քրիստոնեական անունները:

2006 թվականին ձերբակալվում է Նադիայի երեխաներից մեկը և ոստիկանները, անձնական տվյալները ճշտելիս, բացահայտում են, որ վերջինս փոխել է իր անունը: Ոստիկանները պարզել են, որ այդ անձնագրերը կեղծ են և Նադիան, իր երեխաները, նաև աշխատակիցները, որոնք ձևակերպել են այդ փաստաթղթերը, ձերբակալվել են: Դատարանն ընտանիքին դատապարտել է 15 տարվա ազատազրման: