Ալժիրում իսլամիստների գերությունից 45 պատանդ փախուստի է դիմել

Ալժիրի ռազմական ուղղաթիռները սկսել են օդային հարվածներ հասցնել այն շինությունների կոմպլեքսի ուղղությամբ, որտեղ ահաբեկիչները պահում են ալժիրցի և օտարերկրյա պատանդներին, գրում է Reuters-ը:

Գործակալության տվյալներով՝ երկու ճապոնացի գերիները վիրավորվել են կրակահերթի ժամանակ: Գերի վերցված մարդկանցից տարբեր տվյալներով 15-30 ալժիրցիների հաջողվել է փախուստի դիմել: Agence France-Presse-ի տվյալներով՝ փախչել հաջողվել է նաև մեկ տասնյակ օտարերկրյա պատանդներին: Այս տեղեկությունը դեռևս պաշտոնապես չի հաստատվել:

Թե ինչպես է նրանց հաջողվել փախուստի դիմել, հայտնի չէ: Վարկածներից մեկի համաձայն՝ գրոհայիններն իրենք են ազատ արձակել ալժիրցի իրենց պատանդներին, քանի որ ի սկզբանե նրանց նպատակը օտարերկրյա քաղաքացիներն են եղել: