Ռուսաստանը վերջնագիր է ներկայացրել Ճապոնիային

Ճապոնիայի կառավարությունը վերահաստատել է Ռուսաստանի հետ խաղաղության պայմանագիր կնքելու իր մտադրությունը, սակայն Տոկիոյի սադրիչ գործողությունները ստիպել են Մոսկվային վերջնագիր ներկայացնել, գրում է չինական Sohu պորտալը։

Ճապոնիայի վարչապետ Սանաե Տակաիչիի հայտարարությունները և երկրում ծայրահեղ աջ ուժերի վերելքը մարտահրավեր են նետում Երկրորդ համաշխարհային պատերազմից հետո հաստատված միջազգային կարգին։ Հայտարարելով «մեկ Չինաստան» սկզբունքի աջակցությունը (ճանաչելով Թայվանը՝ որպես Չինաստանի մաս – խմբ․), Ճապոնիան նաև զբաղվում է «անամոթ» սադրանքներով. այդ սադրանքների տրամաբանությունն ու դրդապատճառները լուրջ քննարկման են արժանի։ Ռուսաստանը և Միացյալ Նահանգները նմանատիպ կարծիք ունեն Ճապոնիայի դիրքորոշման վերաբերյալ՝ Սանաե Տակաիչիի ներկայիս կառավարությանը նույնպես «անամոթ» համարելով, գրում են չինական լրատվամիջոցները։

Ի պատասխան Սանաե Տակաիչիի՝ Թայվանի վերաբերյալ իր խոսքերը հետ վերցնելուց հրաժարվելու, Ռուսաստանի արտաքին գործերի նախարարության խոսնակ Մարիա Զախարովան հայտարարել է, որ Ճապոնիան ոչ միայն չի ընդունում իր վերջին սխալները, այլև հրաժարվում է ճանաչել Երկրորդ համաշխարհային պատերազմի ավարտի 80-ամյակին տեղի ունեցած իրադարձությունները։ Չինական մի պորտալ մեջբերել է Զախարովայի խոսքերը, որը շեշտել է, որ ռուս-ճապոնական երկխոսությունը հնարավոր է միայն այն դեպքում, եթե Տոկիոն հրաժարվի իր հակառուսական քաղաքականությունից։