Հայտնի է՝ որտեղ կկայանա Ռոնալդուի և Ջորջինա Ռոդրիգեսի հարսանիքը

«Ալ-Նասրի» հարձակվող Կրիշտիանու Ռոնալդուն և նրա հարսնացուն՝ Ջորջինա Ռոդրիգեսը, կամուսնանան Մադեյրա կղզում, հաղորդում է «Jornal da Madeira»-ն։

Աղբյուրի փոխանցմամբ՝ արարողությունը տեղի կունենա ֆուտբոլիստի հայրենի քաղաքի՝ Ֆունշալի տաճարում։ Դրանից հետո տեղի կունենա ընդունելություն տեղի ամենաթանկ հյուրանոցներից մեկում։ Հարսանիքը կանցկացվի փակ դռների հետևում 2026 թվականի Աշխարհի առաջնությունից հետո, նախքան Սաուդյան Արաբիայի նոր մրցաշրջանի մեկնարկը։

Ռոնալդուն և Ռոդրիգեսը հանդիպում են 2016 թվականից։ Նրանց առաջնեկ դուստրը ծնվել է 2017 թվականին։ 2022 թվականի ապրիլին զույգը երկվորյակներ ունեցավ՝ տղա և աղջիկ, սակայն տղան մահացավ ծննդաբերության ժամանակ։ Ռոնալդուն նաև ունի ևս երեք երեխա։