Հայոց ցեղասպանության ճանաչման «գնացքն» արդեն շարժվել է (ՏԵՍԱՆՅՈՒԹ)

«Հայոց ցեղասպանության ճանաչման «գնացքն» արդեն շարժվել է և այն կանգնեցնելը, կարծում եմ, այլևս անհնար է», – այսօր «Նովոստի» տեղեկատվական կենտրոնում, Երևան–Մոսկվա հեռուստակամուրջ ընթացքում կարծիք հայտնեց քաղաքագետ Ալեքսանդր Իսկանդարյանը։ Դրա մասին, ըստ քաղաքագետի, վկայում է Ֆրանսիայի Սենատի կողմից «հայկական» օրինագծի ընդունման քաղաքական ակտը։ Անդրադառնալով Թուրքիայի պատասխան արձագանքին օրինագծի ընդունման հետ կապված՝ քաղաքագետը նշեց, որ այդ արձագանքն իր հերթին է օգնել Ֆրանսիայի որոշումը կայացնելուն, և որ թուրքական հոխորտանքներն արդյունքում ուղղվեցին հենց իրենց դեմ։