Եթե Ուկրաինայի սահմանները փոխվեն, գրիչով և քարտեզով Լիտվա կգան․ Լիտվայի ԱԳ նախարար

Եթե ​​Ռուսաստանը տարածքային զիջումների հասնի Ուկրաինայի հակամարտության կարգավորման խաղաղ բանակցությունների ընթացքում, ապա վաղ թե ուշ նույնը կպատահի Լիտվայի սահմանների հետ։ Այս մասին հայտարարել է Լիտվայի արտաքին գործերի նախարար Կեստուտիս Բուդրիշը, մեջբերում է Delfi-ն։

«Եթե մենք թույլ տանք, որ սահմանները վերանայվեն որևէ կերպ, նույնիսկ ամենաաննշան, մեզ մոտ կգան գրիչներով և քարտեզներով, ապա տանկերով՝ դրանք վերանայելու համար։ Մենք չենք կարող թույլ տալ օկուպացված տարածքների որևէ դե յուրե կամ դե ֆակտո օրինականացում։ Այս սկզբունքները կարևոր են», - հայտարարել է Բուդրիշը։

Նրա խոսքով՝ Ուկրաինայում արդար խաղաղության համար բանակցություններում անհրաժեշտ է օգտագործել «լծակներ»։ «Սա ներառում է սառեցված ռուսական ակտիվների բռնագրավումը, Ուկրաինայի անդամակցությունը Եվրամիությանը և Մոսկվայի դեմ «հատուկ դատարանի» ստեղծումը», -հայտարարել է նախարարը։