Նախկին ամուսինս ստիպել է ինձ աբորտ անել․ Գոհար Ավետիսյան

 Ճանաչված դիմահարդար Գոհար Ավետիսյանը Ինստագրամիիր էջի հետևորդներին պատմել է երկրորդ ամուսնու` Սերգեյի, դավաճանության, ապա ավելի ուշ իրենց ամուսանալուծության մասին։ Ինստագրամում հրապարակված տեսանյութին կից Գոհարը նշել է, որ նախկին ամուսինը ստիպել է իրեն աբորտի դիմել։

«Նախկին ամուսինս ստիպեց ինձ աբորտ անել։

Դավաճանության բոլոր ցավերից հետո ես թեթև վիրահատություն ունեցա՝ ոչ մի լուրջ բան, բայց սթրեսը սպանում էր ինձ։ Եվ այնտեղ՝ հիվանդասենյակում, բժիշկը լուռ ասաց մի բան, որը երկրորդ անգամ փոխեց իմ կյանքը. «Դուք հղի եք»։

Ես տեղում սառեցի։ Չգիտեի՝ լաց լինեմ, ծիծաղեմ, թե վախենամ։ Երեխա... հենց այն պահին, երբ ամուսինս մեկնել էր «գեղեցկության սրահի տիրուհու» մոտ, ինչպես անվանում էր նրան։

Մի քանի օր ես հավաքեցի ուժերս։

Եվ վերջապես որոշեցի նրան ասել։ Նա պետք է իմանար։ Անկախ նրանից, թե որքան զզվելի էր դա, դա նաև նրա պարտականությունն էր։

Երբ զանգահարեցի, ձայնս դողում էր։
Ես ասացի. «Սերյոժա... ես հղի եմ»։

Եվ գիտե՞ք, թե ինչ ասաց նա։ Ոչ լռություն։ Ոչ ցնցում։ Ոչ անհանգստություն։

Նա ասաց. «Աբորտ արա։ Ինձ դա պետք չէ»,– գրել է դիմահարդարը՝ նշելով, որ նախկին ամուսնինը նաև սպառնալիքներ է հնչեցրել իր հասցեին։