Բելգիան Եվրահանձնաժողովին զգուշացրել է չօգտագործել ռուսական ակտիվները

Բելգիայի վարչապետ Բարտ դե Վևերը նամակ է հղել Եվրահանձնաժողովի նախագահ Ուրսուլա ֆոն դեր Լեյենին՝ զգուշացնելով այն գործողություններից, որոնք կարող են խաթարել Ուկրաինայի համար խաղաղության ծրագիրը, հաղորդում է Financial Times-ը։

Վարչապետը կարծում է, որ սառեցված ռուսական ակտիվների բռնագրավումը սպառնում է խաթարել հակամարտության կարգավորման հնարավոր համաձայնագիրը։

Վևերը առաջարկել է օգտագործել ԵՄ-ի չօգտագործված վարկային կարողությունը ընդհանուր բյուջեից՝ Ուկրաինային վարկ տրամադրելու համար։ Բելգիայի վարչապետը կարծում է, որ դա թույլ կտա ԵՄ-ին Կիևին տրամադրել 45 միլիարդ եվրո։