Զելենսկու գրասենյակի ղեկավարը հրաժարականի դիմում է ներկայացրել

Ուկրաինայի նախագահի գրասենյակի ղեկավար Անդրեյ Երմակը հրաժարականի դիմում է ներկայացրել, հայտնել է Վոլոդիմիր Զելենսկին։

Հաղորդվում է, որ Երմակը հրաժարական է տվել կոռուպցիայի գործով խուզարկություններից հետո:

Զելենսկին Երմակի հրաժարականի շուրջ ասել է, որ ԱՄՆ-ի հետ խաղաղ պլանի շուրջ բանակցությունների ֆոնին ասեկոսեներ ու շահարկումներ չի ուզում:

Զելենսկու խոսքով՝ Ուկրաինային այժմ ներքին ուժ է պետք, և Ուկրաինայի պաշտպանությունից բացի այլ բանով շեղվելու պատճառ չպետք է լինի: