Իսրայելական ուժերը Սիրիայի հարավում կրակ են բացել ցուցարարների վրա․ SANA

Իսրայելական ուժերը կրակ են բացել Սիրիայի միասնության աջակցության ցույցին մասնակցող խաղաղ բնակիչների վրա՝ հարավային Կունեյտրա նահանգում, հաղորդում է SANA լրատվական գործակալությունը:

Նրա խոսքով՝ իսրայելական զորքերը խոչընդոտել են սիրիացիներին վերադառնալ իրենց համայնք՝ Խան Արնաբա քաղաքում բողոքի ցույցին մասնակցելուց հետո: Տեղի բնակիչները դուրս են եկել փողոցներ՝ մասնակցելու 2024 թվականի դեկտեմբերի 8-ին Դամասկոսում ռեժիմի փոփոխության հանգեցրած ռազմական գործողության մեկնարկի առաջին տարեդարձին նվիրված ցույցին և բողոքելու Իսրայելի հարձակումների դեմ:

Հազարավոր սիրիացիներ ուրբաթօրյա աղոթքից հետո հավաքվել էին երկրի տարբեր քաղաքների գլխավոր հրապարակներում՝ ցույցեր անցկացնելու ի պաշտպանություն Սիրիայի միասնության և Իսրայելի ագրեսիայի դեմ։ Մասնավորապես, ցուցարարները դատապարտել են Սիրիայի Դամասկոս նահանգի Բեյթ Ջան քաղաքի վրա Իսրայելի կողմից իրականացված օդային հարվածները, որոնք խլել էին 13 մարդու կյանք։