Պեսկովը մեկնաբանել է Երմակի հրաժարականը

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Կիևում տեղի ունեցող իրադարձությունները  վկայում են խորը ճգնաժամի մասին, հաղորդում է ՌԻԱ Նովոստին։

«Կիևում տեղի են ունենում իրադարձություններ, որոնք վկայում են խորը քաղաքական ճգնաժամի մասին, որը պայմանավորված է կոռուպցիոն սկանդալներով։ Կարծում եմ՝ ոչ ոք այս պահին չի կարող պատասխանել այն հարցին, թե ինչի կհանգեցնի դա, ի վերջո», - ընդգծել է Կրեմլի խոսնակը։

Պեսկովը նշել է, որ հետևանքները կարող են շատ տարբեր լինել։