ԱՄՆ-ն կհասցնի նոր հարվածներ պատժամիջոցներով, եթե պատերազմը չդադարի. Ուոլց

Ամերիկայի Միացյալ Նահանգները պատրաստ է կիրառել լրացուցիչ պատժամիջոցներ Ռուսաստանի նկատմամբ և շարունակել զինվորական օգնությունն Ուկրաինային։ Այս մասին ՄԱԿ-ի անվտանգության խորհրդի նիստում հայտարարել է ԱՄՆ-ի մշտական ներկայացուցիչ Մայք Ուոլցը՝ անդրադառնալով իրավիճակին Ուկրաինայում։

Ուոլցի խոսքով՝ Վաշինգտոնը դիտարկում է մի շարք նոր սահմանափակող քայլեր, որոնք կարող են ուժի մեջ մտնել, եթե Մոսկվան չդադարեցնի ռազմական գործողությունները։ Նա ընդգծել է, որ ԱՄՆ-ը մտադիր է շարունակել աջակցել Կիևին, այդ թվում՝ զինտեխնիկայի մատակարարումներով։