Աֆղանստանում տեղի ունեցած երկրաշարժի հետևանքով զոհերի թիվն աճել է

Աֆղանստանում տեղի ունեցած երկրաշարժի հետևանքով զոհերի թիվը հասել է 20-ի, վիրավորների ընդհանուր թիվը՝ 300-ի, հաղորդում է Reuters-ը ՝ հղում անելով երկրի առողջապահության նախարարությանը։

Եվրոպական-միջերկրածովյան սեյսմոլոգիական կենտրոնի մասնագետների տվյալներով՝ 6.3 մագնիտուդով երկրաշարժ է տեղի ունեցել Աֆղանստանի կենտրոնում։ Երկրաշարժը գրանցվել է Մազարի Շարիֆից 45 կիլոմետր արևելք-հարավ-արևելք, իսկ էպիկենտրոնը գտնվում է 10 կիլոմետր խորության վրա։ Երկրաշարժի հետցնցումները զգացվել են Քաբուլում , Թուրքմենստանում, Տաջիկստանում, Ուզբեկստանում, Ղրղզստանում, Պակիստանում, Իրանում և նույնիսկ Հնդկաստանում։