Պուտինը մեղադրել է Եվրոպային

Եվրոպական երկրները խոչընդոտում են ԱՄՆ նախագահ Դոնալդ Թրամփի վարչակազմին լուծել Ուկրաինայի հակամարտությունը։ Այս մասին հայտարարել է Ռուսաստանի նախագահ Վլադիմիր Պուտինը, հաղորդում է «ՌԻԱ Նովոստի»-ն։

«Եվրոպային նույնպես դուր չեն գալիս այսօրվա արդյունքները. նրանք սկսել են խոչընդոտել ԱՄՆ ներկայիս վարչակազմին և նախագահ Թրամփի ջանքերին՝ բանակցությունների միջոցով խաղաղության հասնելու համար։ Նրանք իրենք են հրաժարվել խաղաղության բանակցություններից և խոչընդոտում են նախագահ Թրամփին», - նշել է պետության ղեկավարը։