Ռուսաստանն, ի պատասխան, կընդլայնի հարվածները ուկրաինական նավահանգիստներին․ Պուտին

Ուկրաինան նախկինում էլ է հարձակվել ռուսական նավահանգիստների վրա, և Ռուսաստանը պատասխանել է, բայց երբեք նման գործողություններ չի սկսել, լրագրողներին ասել է Ռուսաստանի նախագահ Վլադիմիր Պուտինը։

«Նրանք՝ Ուկրաինայի զինված ուժերը, նախկինում էլ են փորձել հարձակվել մեր նավահանգիստների վրա։ Մենք պատասխանել ենք, հենց՝ պատասխանել, մենք չենք սկսել այդ գործողությունները՝ նմանատիպ հարվածներով։ Վստահեցնում եմ ձեզ, որ դրանք շատ ավելի արդյունավետ և հզոր են», - ասել է նախագահը։

Նա նաև նշել է, որ եթե Ուկրաինան շարունակի հարձակումները Սև ծովում լցանավերի վրա, Ռուսաստանը կարող է հակահարված տալ։

«Այն, ինչ այժմ անում են Ուկրաինայի զինված ուժերը, ծովահենություն է։ Ինչպիսի՞ պատասխան միջոցներ։ Առաջին հերթին, մենք կընդլայնենք նման հարվածների շրջանակը նավահանգստային կառույցների և նավերի, ուկրաինական նավահանգիստներ մտնող նավերի դեմ», - ասել է Պուտինը։