Իրանը ծրագրել է մահափորձ Իսրայելի դեսպանի դեմ. Axios

Axios-ի տեղեկություններով՝ Իրանը փորձել է կազմակերպել մահափորձ Մեքսիկայում Իսրայելի դեսպանի դեմ։

Ամերիկյան պարբեականը, հղում անելով ԱՄՆ-ի և Իսրայելի անանուն պաշտոնյաներին, գրում է, որ դավադրությունը նախապատրաստվել է Իսլամական հեղափոխության պահապանների կորպուսի «Ալ Քուդս» հատուկ նշանակության ուժերի կողմից։ Ըստ աղբյուրի՝ ծրագիրը մեկնարկել է 2024 թվականի վերջին և շարունակվել 2025-ի առաջին կեսին։

Պարբերականի տվյալներով՝ թիրախը եղել է Իսրայելի դեսպան Էյնաթ Կրանց-Նայգերը։ Մեքսիկական հատուկ ծառայությունները ամռանը կանխել են դավադրությունը։