Մուհամմեդ Մուրսին բացատրություն է տալիս հրեաներին և ներողություն խնդրում ԱՄՆ-ից

Եգիպտոսի նախագահ Մուհամմեդ Մուրսիի աշխատակազմը հրապարակել է մի հայտարարություն, որտեղ փորձել է մեկնաբանել 2010թ. Մուրսիի կողմից արված հակասեմկան հայտարարությունները, գրում է MIGNews-ը։

Հակասեմական այդ հայտարարության մեջ Մուրսին հրեաներին անվանում է սիոնիստ արնախումներ, որոնք սերում են խոզերից և կապիկներից։

Սպիտակ Տունը քիչ ուշացումով Մուրսիից պահանջել է ներողություն խնդրել, ինչն աշխարհի խոշորագույն իսլամիստական և հակասեմական շարժման առաջնորդին անհարմար դրության մեջ է դրել։

Նրա աշխատակազմի հրապարակած հայտարարության մեջ ասված է. «Նախագահը քաջ գիտակցում է, որ մենք պետք է հարգենք համայն մարդկությունը և չի հանդուժում որևէ վիրավորական հայտարարություն որևէ կրոնական կամ էթնիկ խմբի նկատմամբ»։

Կահիրեում գտնվող կոնգրեսմենների հետ հանդիպման ժամանակ Մուրսիի համախոհները փորձում էին բացատրել, որ նախագահի խոսքերը 2010թ. հայտարարության մեջ կոնտեքստից դուրս առանձին հայտարարությունների դրվագներ են, և որ Մուրսին նկատի է ունեցել իսրայելական սիոնիզմի ագրեսիվ քաղաքականությունը։

ԱՄՆ-ի պետքարտուղարությունը ողջունել էր Մուրսիի աշխատակազմի տարածած հայտարարությունը՝ նշելով, որ դա անհրաժեշտ ուղղությամբ կատարվող առաջին, թեև ոչ բավարար քայլն է։