«Չեմ զարմանա, որ Բարաք Օբաման էլ արտահայտի Ցեղասպանություն բառը». Մանվել Ղումաշյան

Շատերն են նշում, որ ֆրանսիայի Սենատի որոշումը նախընտրական քայլ էր, սակայն կարող ենք ասել, որ ֆրանսիայում ավելի շատ թուրքեր են բնակվում, քան հայեր», – այսօր «Հայելի» մամուլի ակումբում տեղի ունեցած ասուլիսի ժամանակ հայտարարեց «Եվրասիա. Ինտեգրացիա» հ/կ–ի վարչության անդամ Մանվել Ղումաշյանը։

Նա նշեց, որ Ֆրանսիայի սենատի որոշումը լուսաբանեց և բարձրացրեց Հայոց ցեղասպանության հարցը. թեման լուսաբանվեց միջազգային ԶԼՄ–ների կողմից։

«Թուրքիայի ամբիցիաներն այսօր ավելի շատ են, քան պետության կատարած աշխատանքները», – նշեց Մանվել Ղումաշյանը։

Նրա խոսքերով՝ Թուրքիան այսօր եվրոպայի պատուհասն է, իսկ հայ–թուրքական հարաբերությունների լարվածության համար մեղադրեց Թուրքիային։

«Ես չեմ զարմանա, որ Բարաք Օբաման էլ արտահայտի Ցեղասպանություն բառը», – նկատեց Մանվել Ղումաշյանը։