Ուշակովը հայտարարել է, որ Ռուսաստանի ռազմական հաջողությունները դրական ազդեցություն են ունեցել բանակցությունների վրա

Ռուսաստանի նախագահի միջազգային հարցերով օգնականը՝ Յուրի Ուշակովը, հայտարարել է, որ վերջին շաբաթների ընթացքում Ռուսաստանի Զինված ուժերի հաջող գործողությունները մարտադաշտում դրական ազդեցություն են թողել Մոսկվայի բանակցությունների վրա ԱՄՆ-ի հետ։ Ինչպես փոխանցում է ТАСС-ը, Ուշակովը նշել է, որ ռազմական դինամիկան «անմիջականորեն արտահայտվել է» բանակցությունների բնույթի վրա։

Ուշակովը հավելել է, որ Արևմուտքում սկսել են առավել օբյեկտիվ գնահատել Ռուսաստանի հատուկ ռազմական գործողության ընթացքը։ Նրա խոսքով՝ խոսքը վերաբերում է ոչ միայն ԱՄՆ-ի, այլ նաև մի շարք այլ երկրների վերլուծություններին, որոնք աստիճանաբար փոխում են ընդհանուր ընկալումները։

Ավելի վաղ Կրեմլի պաշտոնական ներկայացուցիչը՝ Դմիտրի Պեսկովը, ներկայացրել էր որոշ մանրամասներ դեկտեմբերի 3-ի գիշերը Մոսկվայում տեղի ունեցած բանակցություններից, որոնց մասնակցել են Ռուսաստանի նախագահ Վլադիմիր Պուտինը, ԱՄՆ նախագահի հատուկ ներկայացուցիչ Ստիվեն Ուիտկոֆը և Վաշինգտոնի ղեկավարի փեսան՝ Ջարեդ Քուշները։ Պեսկովը հայտնել էր, որ Պուտինը չի մերժել Վաշինգտոնի խաղաղության պլանը, իսկ քննարկումները եղել են «աշխատանքային գործընթաց»՝ փոխզիջման որոնման շրջանակում։