«Այստեղ եմ՝ ևս մեկ անգամ ծանոթանալու ՔՊ-ականների ապագա կեցավայրի պայմաններին». Վազգեն Սաղաթելյանի ուղերձը՝ «Արմավիր» ՔԿՀ-ից (տեսանյութ)
Տեսանյութեր«Իմնեմնիմի» փոդքասթի համահեղինակ Վազգեն Սաղաթելյանը փաստաբանի միջոցով ձայնային հաղորդագրություն է ուղարկել, որում ընդգծել է՝ թեպետ իշխանություններն այս տարիների ընթացքում փորձել են անել հնարավոր ամեն բան, որ իրենց իզոլացնեն, «Իմնեմնիմի» փոդքասթն էլ՝ փակեն, սակայն դա իրենց չի թուլացրել ու չի թուլացնի։
«Ամեն անգամ մենք վերադարձել ենք էլ ավելի ուժեղ և էլ ավելի վճռական՝ այդ թվում՝ ձեր ցուցաբերած հսկայական աջակցության շնորհիվ։ Այս անգամ էլ բացառություն չէ»,- նշել է Սաղաթելյանը՝ դիմելով աջակիցներին։
Քաղբանտարկյալը հավելել է՝ Նիկոլ Փաշինյանը, ընդդիմախոսներին լռեցնելու ապօրինի քայլերը շարունակելով, սպառում է թե՛ սեփական ռեպրեսիվ ռեսուրսը, թե՛ այն «լիմիտները», որոնք ստացել է Արևմուտքից։
Վազգեն Սաղաթելյանն աջակիցներին ու մտերիմներին ասել է նաև՝ թող չանհանգստանան այն փաստից, որ իրենք կալանավորված են, ազատությունից զրկված և գտնվում են «Արմավիր» քրեակատարողական հիմնարկում.
«Շնորհակալ եմ, բայց անհանգստանալու կարիք չկա։ Եկեք համարենք, որ ես եկել եմ՝ ևս մեկ անգամ ծանոթանալու ՔՊ-ականների ապագա կեցավայրի պայմանների հետ։ Սրանց մոտալուտ վախճանը չունի այլընտրանք»։
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
